موضوع عريس

بسم الله الرحمن الرحيم
السلام عليكم ورحمة الله وبركاته
نصايح روعه لكل أخت جايلها عريس جديد

اسمعوا .. وقولوا رأيكم يا شباب ويا بنات

اعرفي عريسك بدري بدري.. من طريقة أكله ....

(1)
إذا كان عادي يعني لا بياكل بسرعة ولا ببطء ولا دايمًا شبعان ولا مفجوع على طول.. يبقى شخص معتدل في عواطفه وقراراته ويبقى ده آخر الرجال المحترمين..
كلبشي.. واستعجلي الزفاف والحياة هتبقى بمبي

(2)إذا كان بيحب الأكل زي عينيه.. وأول ما يدخل من الباب وقبل ما يقول لك
ازيك يقول لك ريحة التقلية تجنن ياروحي إنتوا عاملين ملوخية على أرانب؟؟..
أموت أنا.. ويقعد ياكل ويحشر لحد ما يغمى عليه.. يبقى إنسان طفس.. وهوائي..
وطايش.. وأوعي تتجوزيه أحسن ياكلك وانتي نايمة....؟؟


(3)أما إذا كان مش مهتم بالمرة.. لايقولك ده حلو ولا ده عادب ولا مالح ولا
مستوي ولا لسه ني ولا بيعلق أي تعليق.. وعمره مايقولك جعان أو شبعان يبقى
إنسان مالوش لزمه.. وزي قلته.. وأنصحك بدل ما تتجوزيه إتبنيه.. وهاتعيشي إنتي
الراجل والست ف وقت واحد .


(4)
أما إذا كان بياكل زى مايكون حد بيجري ورااااه وساعة الأكل بيجيله حالة صرع معوي.. ويقوم من ع الأكل قبل أي حد تاني يبقى متسرع.. ومتهور في اتخاذ
قراراته وممكن بعد الجواااز يكتشف إنك لست ملهمته..ولست فتاة أحلامه ولستِ
حلمه.. ويروح مطلقك بالتلاتة.. إخلعي إنتي بدري أحسن لكرامتك.

(5)اما اذا كان من النوع اللى لما ييجى ياكل يقعد يفقع مرارتك ويقول على الاكل او اى صنف
إيه مقاديره ومعمول إزاااي ويقعد يستطعم ف الأكل من العصر للمغرب حاسبي منه
يا اختي ده النوع اللي له مخ.. وبيوزن الأمور بطريقه تفقع المرارة.. ولو في
يوم طلبتي منه يقولك كلمة حلوة هايقولك مش عامل حسابي ويقعد يفكر 3 سنين
وبعدين يقول لك بحبك ويقعد يشوف وقعها عليكي إيه؟؟ نظااااام شلل رعاش
بدري.... بدري....
إخلعي يا أمي...


(6)أما إذا كان بيقعد يقطع ف الأكل زي مايكون ف خناقة ويخبط ف الطبق من
الغل.. ويقطع حتة اللحمة زي ما يكون بيدبحها.. ويتفتف.. ويتكلم.. طول ماهو
بياكل لما يغرق وشك أكل..
ده شخص عصبي جدًاااا.. ومع أول خناقة هيروح مناولك بالكرسي ف راسك أو
بالسكينة ف عينك يعمل لك عاهة مستديمة وبعدين.. يهدى.. ويقول لك: "سوووري يا
روحي هي جت فيكي.. ماعاليش"
""ماعاليش برَّه يا حبيبي وخد الباب ف أيدك""


واخيرا =====اما لو كان غريب اوى كدا ومعووج كدا وتحسى انو غريب ف كل حاجه بيعملها وييجى ياكل بئا يقولك يع
الملوخية تقيلة.. ياي.. السمنة كتيرة على وش الشوربة.. ياساتر.. دا محشي ولا
صوابع مووووز.. أووووف.. الرز محصويل.. يامَّه المكرونة معجنة.. إذا كان كده
توكلي على الله وهاتي أحمى ساطووووور عندك وأنا أعرف لك واحد محامي هايطلعك
منها زي الشعرة م العجيييين

والأحسن من ده كله.....

مالها القعدة ف بيت الوالد ؟؟؟؟؟؟؟

سورى يا شباب انا وضعتو هنا غلط ااام سورى بس انا نقلتو ف مكانو ااام سورى

وانا مش اقدر على زعلك يا احلى بودىىىىىى وانا صالحتك اهوه وميرسى على ردك
تسلم يا مودى على ردك

والله يا اخ مافيا انتا عندك حق في كلامك
واعتقد يا اخت جيسي اني بتنطبق عليا اخر حاجة انتى كتباها
ههههههههههههههههههههههههههههههههههههههه
(عصر المزز راح يا مافيا افندي المزز ماتو في 73)
هههههههههههههههههههههههههههههههههههههههههه