البنات عايزين اية ؟؟ جميع المراحل من كي جي 1 لغايت ما بعد الزواج !!!

هما البنات عايزين اية مننا مش ناوين يتهدوو شوية
دة حتي والله الينات كترررررر اوووي اليومين دوووول
والشباب قربو ينقردوووووووووو
ولا اية

تفكير البنت فى مراحلها السنية المختلفة
مرحلة الاولى فى كى جى 1 و 2 :
البنت بتلعب وتتدلع ولا تفكر ولا توجع دماغها حتى لو الدنيا اتقلبت من حواليها ولا هى هنا وطبعا كل كلامها وحراكتها لذيذة وزى العسل

المرحلة الابتدائية :
بداية الاختلاط والمعرفة وطبعا بتكون البنت قاعدة فى المدرسة مش عارفة حاجة فى اى حاجة ولا بتتكلم مع حد ولا بتهزر ولا بتعمل اى حاجة و يعنى ممكن تلعب شوية وده اخرها

المرحلة الاعدادية :
البنت بتكون ابتدت تعرف حاجات عن الحب والشباب وبتفرح اوى فى المرحلة دى لو شافت شاب بيبصلها او بيضحكلها وتزعل اوى لو حد عاكسها ولا اتكلم معاها فى الموضوع ده وهى برضه بتبقى مقاضياها نظرات من تحت لتحت فى الخباثة طبعا عشان لسه صغيرة ومكسوفة

المرحلة الثانوية :
البنت تجاوزت مرحلة النظرات وعاوزة تعرف وتقرب اكتر من عالم الشباب وهنا يبتدى امل الشباب وتبدأ بشوية معاكسات بسيطة وممكن تلاقى الشاب ماشى ورا البنت اللى عاجباه والبنت طبعا تقلانة عليه ولا تقوله اه او لأ لكن هى طبعا فرحانة وطايرة من السعادة وممكن تتعطف عليه بكام كلمة على الماشى او سلام من بعيد لبعيد وطبعا بتكون النظرات هى هى ما اتغيرتش

المرحلة الجامعية :
اوبا وهنا بقى البنت سلوكها بيتحول فبمجرد دخولها الجامعة بتحس البنت انها كبرت ومحتاجة تجرب الحب بمعناه اللى بتشوفه فى الافلام وتسمعه فى الاغانى وبتبتدى تتعرف باكتر من شاب وعندها امل واحد منهم يكون الحبيب المنتظر لكن جميع محاولتها بتفشل طبعا وبتتحول المحاولات دى لصداقات مع الشباب

فى نهاية المرحلة دى البنت بتكون عقلت شوية وفاقت من الاوهام اللى عايشة فيها فتحاول تقلل صداقاتها وتختصرهم فى شاب او اتنين تحس انهم صحاب بجد وده طبعا لانها دخلت سن الخطوبة ومحتاجه تكون فاضية

مرحلة الخطوبة :
البنت خلاص اتخطبت وسبحان الله من اللحظة دى البنت بتكون فى غاية الطيبة والرقة تحس انها نسمة ده لو حسيت بيها اصلا وماتسمعهاش ابدا بتزعق او متنرفزة على طول هادية وحبوبة وما تشوفش منها غير كل حب وحنان وكأنها ملاك من السما

مرحلة الزواج :
خلاص البنت اتجوزت وبتبتدى تتعرف على سلوكيات شريك حياتها وتحاول تكون جميلة ورومانسية والفترة دى قصيرة اوى (شهر العسل)

مرحلة ما بعد الزواج :
قصدى بعد شهر العسل بيحصل للبنت تحول مفاجىء ومرعب ويكتشف الشاب ان اللى شافه فى الخطوبة كان تمثيل فى تمثيل وتشوف الوش التانى اللى انت ما تعرفش عنه اى حاجة ويبتدى النكد والهم والغم وهى السبب فيه وتلاقيها عمالة تلعن اليوم اللى اتجوزت فيه وتقول فى عقلها فين ايام زمان كنت مرتاحة وتتمنى السنين ترجع لورا عشان ترجع لقصص الحب الوهمية مرة تانية

البنات دول تعب
هههههههههههههه

على الاقل البنات ارحم من الولاد بكتيييييييييييييييييييييير اوى

ميرسى على الموضوع

ههههههههههههههههههههههه البنات طيبين بس بيوجعوا الدماغ
اوعى حد يسمع كلامها
هههههههههههه
يا رب ما يكون حد سا معنى
ههههههههههههههههه